Ieu mah lain dongèng,
ngan ieu mah carita
nini kuring baheula keur leutik ngeunaan Galunggung
sakumaha ku urang
dimafhum yèn di kalèreun urang tèh ngajega gunung Galunggung
nu kungsi bitu baheula
taun 82 cenah mah pohara gedè bituna Galunggung tèh
da bèjana lebuna tèh
nepi ka nagari deungeun ogè.
geus puguh deui
karuksakan nu aya di urang mah.
Ongkoh gening di Tasik
bèh wètan mah lembur tèh bèak rata jadi lautan keusik
Lamun urang ngaliwat
rèk ulin ka kawah apan satungtung deuleu keusik lahar ngampar.
Èta Galunggung,..!!
anu tong boro urang
lembur, sanajan lain urang lembur ogè tangtu nyaho..
aya hiji deui sabenerna
mah gunung tèh ...
Anu arang langka apal
urang lembur ogè.
Ngarana gunung Dingding
ari.
Dingding ari tèh ayana
hareupeun Galunggung.
Lempeng jeung lembur kuring
mah... Leuwisari - Singaparna
Ngan nu rada ahèng tèh
kieu..
Ieuh ujang ... èta
gunung matak dingaranan dingding ari ogè lain samanèa “ceuk Ema”
Ari kitu...? “ceuk
kuring”
Aya hartina tatèh
ujang.. Dingding ari tèh hartina ngadingding sugan kari.
Enya maksudna mah
ngajega didinya, susuganan aya mangpaatna.
Apan dienyana.. gening
basa Galunggung bitu mah karasa pisan dingding ari tèh mangpaatna keur lembur
urang hususna, atuh meureun umuna jang lembur Tasik bèh kulon
Pan ku ayana dingding
ari, si lahar tèh kahalangan teu kawas ka Tasik bèh wètan.
Jadi lembur urang mah
teu jadi lautan keusik.
Cindekna mah ku ayana
dingding ari tèh lembur urang salamet tina lahar panas.
Enya ari ka wahangan
mah aya ngagulidag caah tèh, ngan eta ge da lahar tiis.
Aèh kètang, da sagala
ciptaan Gusti Alloh mah moal aya nu teu mangpaat lain..?
-cag-