Nyampurnakeun Ikhtiar

Romadhon tos nyedek ka tungtung..

hayu urang siapkeun sagala amunisi pamungkas ..

urang sami2 sampurnakeun ikhtiar..

geusan ngaheurap "LAILATUL QADR"

kuring mah asa curiga LAILATUL QADR turun peuting ieu..

hayu urang beuntakeun mata, kemplengkeun beuteung..

ngumpul ngariung jeung papada dulur di masigit..

urang i'tikaf...

urang pasrahkeun diri ka Gusti..

bersihkeun hate..

hirupkeun peuting ku ngadoa sing khusu..

keclakeun cimata..

ngeluk tungkul hareupeun mantena ..

menta dihampura sagala dosa perdosa..

menta dihampura tina sagala ka teu sampurnaan ikhtiar..

biheung urang panggih deui jeung Romadhon taun hareup..

"RAMADHAN MUBARAK, 'ASYRUL AWAAKHIR

ALLAAHUMMA INNA NAS-ALUKA RIDHOKA WAL JANNAH

WA NA'UUDZUBIKA MIN SAKHATIKA WAN NAAR

ALLAAHUMMA INNAKA 'AFUWUN KARIIM

TUHIBBUL 'AFWA WA'FU'ANNA

YA....ALLAAHU YAA... KARII.....M

Mbah Marijan

Mari berdoa untuk bangsa kita tercinta atas semua reaksi dan sabda alam yang terjadi di berbagai wilayah indonesia.

Sedikit berbagi cerita tentang mbah maridjan,,dari twitter salim a fillah seorang penulis buku asal jogja...

MbahMaridjan yang shalih, tawadhu', ahli i'tikaf, penuh pengabdian,

yang selalu sambut kami seperti cucu sendiri; namamu dalam doa ini.."

"Rak sami sugeng to wayah?" (Kumaha barudak sarèhat/red),

begitu selalu kau sambut kami dalam senyum,

Lalu kami bising di rumahmu, & kau i'tikaf di Masjid."

Kami sering merusak kebunmu untuk Outbond, Tapi kau malah tawarkan ubi,

"Nek kersa nedhi pohung njedhol piyambak nggih wayah!"" (pami hoyong nuang sampeu mah, sumangga baè kantun ngarabut,red)

Pernah juga acara besar kami di tempatmu, para ikhwan tidur di Masjid.

Dingin menusuk. Kau bangun pada pukul 03.00, tahajjud."

Sehabis Shubuh kau akrabi kami. Kau sajikan kopi, tapi kau sendiri puasa.

Dari lisanmu, butir-butir kalimat bijak mengalir."

Pendaki sering minta restumu. Kau lepas mereka naik.

Tapi nanti di atas, kau bisa mendadak muncul,

"Ampun medal mriki wayah!"" (teu kenging kadinya, ngalangkung ka dieu baè,red)

Pendaki shalih, sama sekali tak merasakan aura mistikmu,

Soal kau bisa muncul mendadak, pastilah sebab kau faham jalan & medan."

Jika kau, telah wafat, izinkan kami mengenang akhlaq indahmu, keakraban tulus, keteguhan, dan dirimu yang kadang disalahfahami."

Kami saksi, kau, sang Syuriah PCNU Cangkringan, hidup dalam iman & bukan kesyirikan, ibadahmu membuat iri, santunmu mengharukan"

Teu sangki gening… Mbah Maridjan

Simkuring nyalira rumaos nembė terang.

Da sakaterang tėh, pami disebat nami mbah Maridjan,

Nu aya dina ėmutan tėh, kuncėn, mistis, syirik, pemujaan, takhayyul

Gening meni pohara peran media mangaruhan cara berfikir urang

Salah informasi, salah persėfsi, kadituna bisa salah aksi.

oOo

Pamungkas...

Hapunten Mbah Maridjan rumaos kantos lepat sangki

Mugi salira ditampi sagala amalna

Dihapunten sagala dosa perdosana

Ditempatkeun di Sawargana Gusti

-Aamiin

Anti PSSI

Isuk –isuk kawas biasa keur jalan ka sawakeun..

Numpak meri beusi di tengah mangrébu-rébu meri nu séjén

Paheula-heula, nu itu hayang tiheula, nu ieu nyakitu deui

Pating suruntul, teu kaop hareupeun aya lolongkrang saeutik

Teu sirikna batur mah ulah tiheula…

Sabot kitu, sebrut salahsahiji meri beusi nyuruntul ka hareupeun meri kuring

Bari jeung méh ngabadug bakating ku deukeut…

Ah teu ambek teusing… da rumasa kuring gé sakapeung sok kitu kalakuan

Ngan nu jadi perhatian kuring mah lain étana…

Éta na buntut meri nu hareupeun téh aya aksara

Ngan dua kecap, jeung makè aksara badag.. “ANTI PSSI”

Haaarrr… na naon maksudna éta jelema…??

Kuring jadi euweuh gawé gera…

Sajajalan tepi ka sawahkeun jadi mikiran éta aksara

Jadi ngira2 naon anu aya dina pikiran éta jelema nu boga meri..

Heueuh rék kumaha teu ho’okeun..

apanan meureun manehna téh urang Indonesia lin

Naha jadi ngéwa ka PSSI…  da pan kasabelasan satiap nagara mah ngan hiji hijina lain

Nya mun di urang mah PSSI téa,,.. nya mun teu ngadukung PSSI, ék ngadukung saha cik??

Di daérah onaman….. bisa dua bias tilu kasabelasan téh…

Contona di Bandung.. pan aya PERSIB, aya Bandung Raya .. pan bisa milih

Da dina tataran Indonesia mah ngan hiji hijina …P S S I….

Tapi lila-lila asa kapikir ku kuring…

Da inget kana paribasa “cari seribu alas an untuk memaklumi orang lain”

Na pikiran téh kieu…

Boa-boa éta jelema téh, matak nulis kitu gé

Bakating ku nyaah ka PSSI meureun

Naha bet kitu…???

Cek implengan kuring mah éta jelema téh..

-          Nyaho pisan kana seluk beluk PSSI… da nyaah téa

-          Nyaho pisan préstasi PSSI… da nyaah téa

-          Pokona mah nyaho pisan sagala rupa ngeunaan PSSI

Jigana éta jelema kuciwa kacida kana prestasi PSSI ayeuna..

Mun henteu kitu kuciwa na ka pangurus PSSI

Da masing nu kedalna tulisan ANTI PSSI ge, anger haténa mah nyaah kacida

Teu béda jeung jelema nu bakating ku nyaah ka kabogohna…

Tuluy kuciwa… da pastina téh kedal ucap “AKU BENCI KAMU”

 Pan mun rada diheureuykeun mah BENCI téh BEnar2 CInta téa meureun

oOo

tah …

matak urang mah kudu tengah2 …. Dina sagala rupa Ulah “TEUING”

ulah ngéwa .. “TEUING”

ulah bogoh.. “TEUING”

ulah wareg.. “TEUING”

ulah lapar.. “TEUING”

ngarah mun ninggang kana kuciwa teu malik keuheul, malik ngéwa

-sakitu-



Nyanghareupan UN

Poè senèn isuk dak dèwèk nu cikal minangka èk nyanghareupan UN

Geus dua bulan katukang èta dibandungan nana tèh meni geus pakupis.

Ku TO (Try Out) tèa, ku PM (Pendalaman Materi) tèa cenah.

Rarasaan aya reueus aya degdegan ningali budak tèh.

Reueusna pedah asa katingali sumanget budak tèh dina nyanghaeupan ujian nana, teu bèda ti kuring lah baheula basa keur jaman sakola (mun teu salah).

Deg degan nana… ah kuring gè asa teu ngarti puguh, naha bet ngilu deg degan kieu. Tapi da moal ditèmbongkeun ka budak mah, bisi hèg wè kètèh ngilu geumper budak tèh.

Tѐtѐh  kadieu sakedap *ceuk kuring ka budak*

Badѐ aya pikersaeun naon apa *cek budak bari nyampeurkeun*

Ah teu nanaon tѐh, ngan bapak hayang ngadongѐng wѐѐ.

Kieu… baheula basa keur ngora bapa sok rajeun ngiluan gerak jalan atawa naѐk gunung.

Naha bet hayang ngadongѐng ѐta,? ah sugan wѐ aya pulunganeun.

kieu cenah ceuk nu palinter mah… lamun urang keur gerak jalan atawa long march atawa naѐk gunung tѐh, ulah loba teuing ningali ka hareup, titingalian ulah jauh teuing, komo palebah jalan anu ngemplong lempeng mah… naha??? Bisi seungah,  kusabab ningali sorangeun sakitu jauhna, sakitu bangana, can nanaon geus ngaleketey mantѐn kѐtѐh. Komo bari can nanaon boga rarasaan kumaha nya, kuat kitu, tepi kitu moal???… haaah… nu kitu mah tanda kumѐok mѐmѐh dipacok tѐa. Moal pitepieun. Dina tepina ogѐ iraha boa.

Kudu kumaha atuh..?? nu bener mah kudu nikreuh ngeureuyeuh, salѐngkah salѐngkah, tong gancang teuing ogѐ tong boyot teuing. InsyaAllah moal karasa, ujug2 tepi wѐh.

tong ngabayangkeun jauhna tur bangana sorangeun majar cenah pan "LIHAT SAJA SATU LANGKAH KE DEPAN" taaah kitu, tong mikiran dua atawa tilu lѐngkah ka hareup, komo jeung jauhna sorangeun mah.

Naha cing apa ngadongѐng ѐta…??

Maksud bapa amah kieu. Saru Tѐtѐh oge engkѐ dina waktuna ngerjakeun sual Ujian tѐh kudu kitu

• Ulah seungah ku ningali jumlah sual. komo bari boga pikiran kumaha nya? angeus kitu moal? bisa kitu moal?.... sakali deui ulah. Nu bener mah nya nikreuh ngeureuyeuh tѐa. pigawѐ wѐ  sual nomer hiji,,, angeus nomer hiji, maju ka nomer dua, tuluy kitu tepi ka angeusna.

• Tong lila teuing dina hiji sual. Mun karasa aya hiji sual nu rada hѐsѐ, mending liwat wѐ heula anan. Sugan engkѐ kasampeur deui

• Tong poho maca Bismillah

• Tong loba teuing anu dipikiran, konsentrasi we kana Ujian.

• Atuh samѐmѐh ujian, teu kudu diperes teuing otak tѐh, angur mah sina istirahat si otak tѐh. Pan isukan rѐk digawѐ beurat sakadang otak tѐh. Dina diajarna ogѐ ulah beurat2 teuing. Piraku can cukup kѐnѐh 3 taun hantem diajar.

Pѐk bral Tѐh didungakeun ku Apa sing suksѐs, sing dibѐrѐ kalancaran da bapak mah moal bisa mantuan lin, ngan saukur mantuan ku dunga. Pan sagala rupa ogѐ  Tѐtѐh sorangan anu nangtukeun. Rѐk kumaha engkѐ masa depan Tѐtѐh, hayang jadi naon kѐ mun geus gedѐ. pan Tѐtѐh sorangan anu nagtukeun , lain apa.

Atuh ka dulur kuring sadaya, sakali deui neda pangdunga, mugia pun anak dipasihan kalancaraa. aamiin.

hatur nuhun sateuacana.

-cag-

Lebaran Iraha..?

Lain kumawani rèk protes…

Lain kumawani rèk nangtukeun anu geus tangtu…

Lain kumawani nganaha-naha…

Ieu mah ngan saukur kereteg hatè, kamelang rasa…

Ceuk ieu lebaran poè Salasa…

Ceuk itu lebaran poè Rebo…

Ceuk nu ieu cukup ku èlmu hisab nangtukeun 1 Syawal tèh

Ceuk nu itu kudu tepikeun ka katempo bungkeuleukan nana sakadang hilal tèh

Ceuk nu sèjèn deui kudu digabungkeun cenah èta 2 teori tèh… antara hisab jeung rukyat

Atuh kudu kumaha urang… ?

kudu kumaha rahayat anu teu ngarti kana èlmu hisab atawa rukyat..?

sabenerna da urang mah salaku rahayat teu kudu milu riweuh, cukup ku nuturkeun

nuturkeun kumaha hatè urang sorangan… atawa nuturkeun imam anu ku urang dituturkeun

bener ari ku benerna mah 1 Syawal tèh moal aya 2 kali

jeung bingung lamun dipakè bingung mah..

da atuh kumaha ari geus kieu…?

Ayeuna mah tinggal urang silih hargaan, silih ajènan ulah silih salahkeun

Kusabab duanana ogé teu samanèa dina nangtukeun kaputusan.

Apan meureun dina nyieun hiji ijtihad tèh kudu ku èlmu

Jeung duanana ogè dijaminin salamet… “masing-masing bakal salamet ku hasil ijtihadna”

Atuh sakali deui urang rèk lebaran poè Salasa beneeerr…

Rèk lebaran poè Rebo ogè teu salah, asal ulah satutur-tuturkeun nana

Anu salah mah anu teu boga pamadegan. Na nu kumaha maksudna te boga pamadegan..?

Maksud nu teu boga pamadegan tèh kieu,.. ari pamadegan lebaran tèh poè Rebo, naha poè salasa ngilu teu puasa… taaah … nu kitu nu ngaran mandeg mayong atawa lanca linci luncat mulang tèh.

Komo anu tara puasa mah, tapi dina lagu lebaran meni milu paciweuh.

Panungtung simkuring sakulawargi nyanggakeun WILUJENG BOBORAN SHIYAM 1432H

Taqobbalallohu minna wa minkum shiyamana washiyamakum. Kullu aamin wa antum bi khoir

-cag-

Wilujeng Boboran Shiyam

Teu karaos, Romadon alias sasih siam parantos lekasan. Sasasih campleng urang sami-sami ngalakonan ibadah saum. Sanès mung saukur nahan lapar sareng halabhab, nanging ogè ihtiar sangkan naon rupi anu ku urang dipilampah henteu gaplah. Hartosna, sasih shiam dianggo minangka tempat nyeuseuh diri supados ajèn inajèn diri langkung ngaronjat.

Lir ibarat anu sakola, tangtos saparantos lulus kedah langkung pinter ti sateuacanna. Upami kualitas atanapi ajèn diri urang sateuacan sasih siam mung ukur 50, tangtos sarèngsèna ngalakonan ibadah saum, kedah ngaronjat, langkung ti 50. Upami angger, komo upami janten nyirorot mah, tangtos èta tèh janten cicirèn yèn ibadah saum urang tèh gaplah, mung ukur dugi kana tahap 'nyiksa karep', nahan lapar sareng halabhab.

Kantenan kanggo anu lulus 'ujian' Romadon, dinten Boboran Shiam (Lebaran) kedah dijantenkeun momen syukuran kana sagala rupi upaya urang dina enggoning ngaronjatkeun ajèn inajèn diri sangkan janten jalmi anu salawasna ihtiar ngahontal kasampurnaan.

Dintenan Boboran Siam ogè dijantenkeun ajang ngaraketkeun silaturahim di papada urang, sakantenan silih lubarkeun tina sagala kalepatan tur kaluluputan. Dina raraga ieu pisan sim kuring nyanggakeun panglayad sakantenan ngedalkeun paneda, sih hapuntenna anu kasuhun, bilih aya cariosan simkuring anu matak nyugak kana manah,bilih aya cariosan anu pondok nyogok panjang nyugak mugia ulah janten rengat galih.

Kanggo panutup teu aya basa anu pang-èndahna salian ti "taqobbalallahu minna waminkun. shiyamana washiyamakum kullu aamin wa antum bi khoiir." Mugia urang sudaya kenging darajat Taqwa. Amiin ya Robbal Aalamiin.

Denis & Istri

Icha, Zahrah, Nadhifa, Indah Nurwalidah, Dini Fauziah

Maca Al-Qur'an

NGADERES TADARUS

[kinanti]

sok ras emut ka almarhum

mama kyai hutaemi

anjeuna anu ngawulang

ngaos quran sareng tajwid

kawitna mah alip bata

diejahna  hiji-hiji

maca jabar panjang kudu

lamun nyanghareupan alip

jeer nyangahreupan iya

pees mun wau pandeuri

lilana dua harokat

cenah eta mad thobi'i

lamun nu paehna enun

atawa mun baris tanwin

eta teh aya hukumna

idhar idghom ihpa pilih

nu liana teh pan iklab

mahrojna teh kudu tartil

tadarus sapoe sa juz

sore isuk reujeung peuting

kacontang waktu mun beurang

sabab tatahar keur tajil

tadarus boga hancengan

hatam memeh idul fitri

meunang sababaraha ruku

ngaliwatan tanda ain

sakapeung mah ayat sajdah

tanda waqop anu lazim

hasilna  alhamdulilllah

tiis hati mani tingtrim

geus kolot rea kaganggu

alesan mah loba geuing

kabehna oge gogoda

anu rupana mipinding

rea karesep ngaliwat

contona acara tipi

ya Allah ya robbul ghofur

sihapunten mugi gusti

dilubarkeun kalepatan

pasihan abdi taufik

hidayah tur kakiatan

ngaos quran henteu lali

---

skmi 07082010-07091432

Lalaki

[Bimbo]

Ėh lalaki èh lalaki

Jago rayu tukang tipu

Soal cinta dimumurah

Modalna cukup ku sumpah

Ėh lalaki èh lalaki

Ahli ngamumurah jangji

Lalaki pameget kènèh

Mun pasèa embung èlèh

Sapoè teu dideukeuten Lalaki kabungbulengan

Saminggu teu dipanggihan Lalaki sok kaèdanan

Sabulan awèwè cicing Lalaki sok tuluy gering

Sataun teu disampeurekun Lalaki kabur ka leuweung

Ėh lalaki èh lalaki

Sok ngajago tong kumaki

Mun kawin jadi salaki

Geus pèot mah aki-aki


Mp3

Kuring nu ayeuna lain kuring nu baheula: Indung

Kuring nu ayeuna lain kuring nu baheula: Indung

Indung

[Bimbo]

Indung tèh tunggul rahayu
Sosoca bèntangna rasa

Kanyaah saeusi jagat

Nu nyekel sawarga anak

Indung sembaheun awaking

Teu welèh ngaping ngajaring

Balumbang jalan sawarga

Indung lautan hampura

Ka indung kuring rèk munjung ka indung

Kuring nyaluuh munjung moal rèk ka gunung

Kuring rèk munjung ka indung

Ka indung kuring rèk munjung ka indung

Kuring nyaluuh munjung moal rèk ka gunung

Kuring rèk munjung ka indung

Najan diri lunta anggang

jauhna mapakan bèntang

Balik mah kuring ka indung

Da indung pangjurung laku

Ka indung kuring rèk munjung ka indung

Kuring nyaluuh munjung moal rèk ka gunung

Kuring rèk munjung ka indung

MILIH JODO

BAGJA

[asmarandana]

cenah baheula mah geulis

ka kuring rea nu hayang

teu sirikna pada ngolo

bru bro mahugi ku barang

ngarajak ulin daratang

malah nepi ka  garelut

kuring nu  bingung sorangan

bingung  ka saha nya milih

sabab euweuh nu sampurna

anu beunghar rada sombong

nu kasep hirupna susah

nu dadag gede ambekna

gagah jangkung mindeng pundung

nu bageur awak congcorang

pipilih meunang nu leuwih

kocepak meunang nu pecak

salaki meunang nu beke

tapi da soleh hatena

cinta geuning teu disangka

batina teh  meunang tujuh

da memang turunan reuay

kamari breh dina tipi

kuring teh jadi kagagas

malahan hate nyeredet

waktu mencrong hiji jalma

ditangkep dibarogodan

deudeuh beubeureuh keur buhun

jalma anu beunghar tea

beja  manehna korupsi

gedena saanu milyar

nepikeun ka jadi buron

di tewak keur pelesiran

di nagri nu jauh pisan

jalma salembur teh gujrud

kuring teh maca istigpar

geuwat nelepon salaki

bari menta dihampura

sabab kuring sering nyenghor

alatan kawaluratan

pangasilan teu nyukupan

sakapeung murukusunu

tapi salaki teh sabar

milih jodo milih rabi

rejeki diihtiaran

geuning teu bisa dibade

hasilna kuma pangeran

lamun mangsana geus datang

urang kudu muji syukur

da eta kitu takdirna

---

skmi 11082011 - 11091432

BAGEUR DITANGKEUP KACLEP DITANGKEP

DISEUPAH TIWUKEUN

[maskumambang]

tangkal tiwu dipesek nepika bersih

terus dipotongan

digayem rasana amis

ngeunah keur ubar halabhab

caina teh diseuseup nepika garing

hayoh digegelan

sakalian bari nyisig

ngosok huntu sakalian

mun geus garing seupah diutahkeun kuring

piceun ka jarian

terus nyokot hiji deui

nepi ka beuteung bungkiang

mun tutujon mangsana can kapimilik

sok satekah polah

dibelaan wani nyegik

korupsi ge dilakonan

lamun inget polah kotorna pulitik

geus pada arapal

najan uacapan sok mungkir

hate mah teu ngabohongan

mun keur butuh ditangkeup di sina linggih

tur di dama-dama

tapi munkatohyan licik

api-api teu arapal

nu kieu teh geus aya ti keur bihari

nepi ka ayeuna

lain ngan saukur ngimpi

da buktina kanyataan

alusna mah ngagayem teh maca tasbih

dicampur istigpar

hirup kumbuh loba eling

supaya urang teu mengpar

---

skmi 11082011 - 11091432

ATI-ATI KADAHARAN

ULAH NEPIKEUN KA GERING

[asmarandana]

usahakeun ulah gering

supaya jongjon ibadah

ulah nepikeun ka lungse

sanajan urang puasa

badan urang kudu kuat

jagjag da janari saur

lamun magrib geuwat buka

ditambah dahar vitamin

suplemen mun duit aya

ngan kade ulah sok odoh

dahar ulah tambarakan

komo lamun kamerkaan

beuteung teh kembung nguruwuk

pulang anting ka tampian

mun urang hayang walagri

sing ati-ati mun dahar

nu ngarana  kolesterol

gajih reujeung lelesangan

goggoreng teh ku jalantah

bejana  racun jajantung

jadi saeur urat 'darah'

balukar gering  kalingsir

carangkeul sakujur awak

suku jeung leungeun mah komo

asana jarum nurihan

dipencet kalah nambahan

nyanyautan unggal buku

rengkeng cangkeng mun rek hudang.

komo ningganga aki-aki

nini nini ge sarua

teu iwal jalmi  nu anom

kiwari  teh geus ilahar

panyakit teh beuki rea

enya ge obat ngahunyud

tapi euwueh keur meulina

alusna mah balik deui

sing loba ngadahar lalab

urang ulah sok mococo

reueus ku dahareun 'instant'

nu ngandung racun kimia

can tangtu eta teh alus

kajeun teuing barang halal

papatah mama kiyai

lamun urang arek dahar

pilih dahareun nu hade

alus jeung dijamain halal

mimitian ku bismillah

ngadunga eta jadi kawantu

urang teh ngalap barokah

---

skmi 20082011 -20091432

Jurig Ngajak Suten

Dina hiji mangsa... harita wanci sareureuh budak...

tas solat magrib mèmèh solat isya...

kuring keur ngawangkong jeung nyi iteung di tepas...

goak tèh nyi iteung ngagoak...

aya naon nyaiii...??? "ceuk kuring bari semu reuwas"

èta akang aya panangan nyologodor ti para...

tapi ngajempolan... "ceuk nyi iteung"

naha atuh meni ngagoak kitu... ???

meni ngareureuwas nyai mah...

kabeneran kuring keur rada ngahuleng harita tèh

sieun akang.... atuda meni ageung.... jabi meni lestreng kitu...

tong sieun nyaiiii kunu kitu mah... kalem wè nyi lah...

gampil nukitu mah...

sok atuh nyai ngalih calikna pengkereun akang

bilih sieun mah.... "ceuk kuring bari singkil"

yeuh kieu nyi carana mayunan nu kitu mah...

tingalikeun ku nyai..."SONG WEH KURING NGASONGKEUN CINGIR"

bari diantelkeun kana èta jempol...

naaaa ari teu kungsi lila....

dakdumadak èta leungeun nu ngajempolan tèh NGALEOS

siga aya nu metot balik deui ka para...

hèhèhè si akang mah bisaan gening ...

ceuk nyi iteung bari rada noèl ka kuring...

tapi naha kitu ning akang... nyai mah teu ngartos..???

èèèèèh ari nyai...

pan jempol mah èlèhna ku cingir lain...??

na nu tadi tèh naon ciiing....?? "ceuk kuring"

ari kitu...???"ceuk nyi iteung bari kerung"

pan nu tadi tèh sakadang joering ngajak suten...

-o-

Angkot

Kacaritakeun dina hiji angkot....
Harita kuring diuk di juru belah kénca pangtukangna...
Ah da rarasaan téh pangjauhna kuring mah turun téh da di tungtung trayék ieu angkot...
Cekés kuring nyeungeut udud...
Geleser angkot indit... bari kuring rada ngalamun..
Duka naon nu dilamunkeun (nyéta poho)..
Kenék mah kadéngé gégéréwékan ku kuring téh...
néangan panumpang jigana.. heueuh da piraku néangan endog meri mah kétang
teu kungsi lila reg eureun angkot téh...
clak aya awewe naék mawa budak leutik.. éh orok kétang...
jongjon wé kuring mah nuluykeun hanca lamunan nu tadi ..
bari jeung poho ngalamun téh nepi kamana...
can kungsi kapangih éta hanca lamunan nu tadi...
kocéak si orok téh ceurik...
teu wudu kuring rada reuwas....
tapi ah api2 wé nyumputkeun kareuwas... géngsi ti ditu namah...
jaba rada geulis éta awéwé ngora téh...
karék boga anak hiji jigana...
his ... nanaona ari ilaing ngalamun téh kamalinaan..
ceuk kuring ngagebés lamunan sorangan...
ngan nu kacida reuwasna basa éta awéwé téh melong ka kuring...
gelenyu seuri...
celengkeung nyarios... bari sowanten halimpu kawas élod
”akang punten sanés culangung, punten éta roko... tiasa dipareuman??“
”punten nya kang sakali deui.. salerena abdi mah teu nanaon, mung ieu PUN ANAK”
Halaaaaahhhh..... serrrrr ned... étaaah ....
Reuwas bari hariweusweusna kuring moal aya ...
mu..mu..muhun téh manga...
Teu antaparah deui belewer kuring ngababétkeun kuntung roko...
Nu kari satengah... kajeun ah lebar gé
Punten nya téh...(ceuk kuring)
Bari rada éra campur isin..
”wios kang... teu nanaon da” *ceuk manéhna*
Teu kungsi lila...
Kusiwel éta awéwé téh ngaluarkeun jalikénna... ék nyusuan...
Wel dilelepkeun kana sungut anakna..
Cep répéh si orok téh diwewelan mah....
Éta maké ku ngarérét orok téh ka kuring...
Duka naon maksudna..
Tapi naha kuring jadi késang badag késang lembut kieu...
Lila-lila kuring asa teu wasa nahan hayang ngomong...
Ah ngomong wé.. “gerentes kuring”
“étéh punten nya... sanés culangung téh...
Pami tiasa mah étéh teu ngenénan di dieu...
Saleresna abdi mah teu nanaon téh, mung ieu pun anak”
Ceuk kuring bari tungkul
-o-

Dok, Jikan wing torék..!!

saurang salaki ngarasa aya nu rada anéh kana réngkak paripolah pamajikanana sababara poé katukang.

Ungal dicalukan atawa ditanya rada jauh, tara némbalan.

Si salaki mikir, moal kitu jikan téh torék..??

Tuda ék kumaha teu nyangka torék, mun ditanya hiji pertanyaan, kudu sababara kali, karak némbal.

padahal teu pati jauh.ah kuring asa rada panasaran.. "gerentes si salaki" bari jig wéh manéhna indit ka Dokter, rék konsultasi jigana.."saha nu teu damang..?" .. Ceuk Dokter muka omongan..manawi ieu téh Dok, pun bojo.. Sapertos nu torékari kitu..?? Ceuk Dokter semu nu héran.unggal ditaros téh tara langsung ngawaler Dok, teu cekap sakali, kedah dua tanapi tilu kali. Nembé ngawaler.mmh... kumaha nya?? Kieu wé atuh kang. Teu kedah waka dicandak kadieu tuang istri téh. Tapi cobian heula cara ieu..kumaha Dok..?? Ceuk éta lalaki bari kerungkieu... ngarah terang tuang istri torék atawa henteu, cobian calukan tina jarak kira2 tilu meter. Pami teu némbal, rada caketan nyalukanana tina jarak 2 meter. Pami tacan némbal kénéh waé, caketan deui dugi ka jarak saméter. Taah.. Pami teu némbal kénéh waé, nembé jéntré yén tuang istri téh torék. ceuk Dokter panyang lebarsumuhun Dok, hatur nuhun kana bongbolongana. Badé dicobian ku simkuring..Isukna, si salaki ngalaksanakeun bongbolongan ti Dokter.kabeneran pamajikana ker masak di dapur.

Gorowok wéh manéhna nanya tina jarak tilu meter. Sakumaha ceuk dokter..Nyaiii.. Nuju masak naoon?Pamajikana teu nembalan.terus manehna ngadeukeutan, nepi ka kira2 dua meter.

gorowok manéhna nanya deui.Nyaiii.. Nuju masak naoon?Can némbal kénéh waé, kalah jongjon nyiksikan waluh... halah boa enya si nyai téh torék kitu.."gerentesna ". Ah aya kénéh kasempetan sakali deuiTuluy manéhna ngadeukeutan deui nepi ka jarak sameter.bari nanya deui...Nyaiii.. Nuju masak naoon?Ana celengkeung téh pamajikana némbal ayeuna mahKedahnamah nyai nu naros ka akang."kunaon akang hayoh wé naros? Pan titadi gé tos diwaler ku nyai téh. Nyai téh nuju masak waluh akang...si salaki ngajentul bari ngahuleng...haaar... saha atuh nu torékna mun kitu...

-o-

Ngangon Budak

Enya dakitu téa budak mah lain…?

Sok teupira.. dibadé-badé moal resep, ari teun meni bungah kacida.

Teupira kukucuprakan dina sawah bari jeung urut guyang meri ogé

Ceuk kuring….

Keun wé deuh sugan moal arateul barudak téh,

asal engké sina geuwat marandi maké sabun capluk

da dina arateul nagé indungna barudak téh geus boga tangelan ubar nu lumayan matih

nyéta salep cap ucing moncor téa mun teu salah mah.

Teu karasa mapay-mapay galengan téh gening geus rada jauh ti lembur

Paingan geus kaliwat kebon kacang, kebon hui, tapak gacong mah ngampar,

Dua susukan badag… ngan wahangan nu can kaliwat téh,..

Dihareup sigana kandang munding nu mang onong mah

Geus puguh deui pasukam meri mah geus balawiri titadi ogé

Paudag-udag bari parebut hakaneun bari sakapeung digebah kunu bogana.

Celengkeung si mamang komandan meri ngagorowok

“Ujaaang… hawatos éta murangkalih, tong sina garuyang kitu, bilih arateul

Hég tadi pan tilas guyang meri mamang, ongkoh itu nembé baranyat ka kotakan nu tongoh”

Muhun mang wios wang  sina ngarojay ké tah di wahangan...

Atuda di batawi mah sesah mendak nu kieu téh mang

Abdi onaman kapungkur ka’alaman kikieuan téh..

Bapaaa… itu ada kali paaa…

“ceuk budak kuring nu kadua bari semu lumpat”

Ya udah sono pada ngojay, “tembal kuring”

Horééé… ceuk opat budak kuring méh bareng

Teu lila….

Gujubar… gujubar… kucuprak.. kucuprak… kerelep… kerelep…

Teu wudu kuring gé kudu milu jibrug

Da si pangais bungsu mun ancrub sorangan mah laput

Atuuh kuring kudu ancrub bari ngakod manéhna…

Mmhh… enya ning nya …

Sakali deui sok teupira dipikir-pikir mah

Gening nu kieu patut nu matak barudak bungah, guligah naker  téh

Barebelokan, babaseuhan…

Enya wé gening ceuk jelema nu palinter parenting mah

Majar “biarkan anak melakukan apa saja, menyentuh apa saja , merasakan apa saja (asal bukan sesuatu yang berbahaya)

karna dalam kotor , dalam basah ada pembelajaran,

Biarkan anak-anak berekflorasi cenah …

nu kieu kituh berekflorasi téh..??

Alhamdulillah Gusti, simabdi dipasihan kénéh kakiatan dugi ka danget ieu

Mugia Gusti maparin simabdi kakiatan dugi ka barudak janten Hamba anu sholéh /sholéhah

Aamiin..

-o-

Mapantes Manèh

Enya pan urang mah kudu mamantes manèh

Mun hayang cicing di hiji tempat

Atawa cicing dina hiji kaayaan

Ah wang langsung wè nya kana conto.. ngarah babari kaharti.

Mun urang hayang dihormat batur,

urang tèh kudu hadè tata, hadè basa

Teu matak pikasebeleun, pikangèwaeun batur

Cindekna urang PANTES pikeun dipihormat ku batur

Mun urang hayang dipikanyaah ku batur,

Meureun urang kudu mikanyaah ka batur

Ka sahandapeun kudu nyaah

Ka saluhureun kudu hormat

Mun urang hayang diuk dina hiji jabatan,

Urang kudu ningkatkeun kamampuan diri

ningkatkeun èlmu pangaweruh

Ngarah dianggap PANTES nyicingan èta jabatan

Mun urang hayang diaku ku batur,

Urang kudu uluk salam mun rèk asup

Sopan santun wancina nyèmah

Cindekna PANTES diaku kunu boga imah

Mun awewe/lalaki hayang dipikabogoh

Kudu pikabogoheun

Oooomaaat...... sakali deui omat

Ulah tepi ka nyalahkeun batur

Mun urang

teu dihormat,  

teu pipikanyaah,

teu diangkat,

teu diaku,

teu dipikabogoh,

da mèmang urang pantes narima perlakuan èta,

da èta tèh hasil penilaian batur ka diri urang,

pan ceuk nu palinter mah gening,

“manusia punya hukum tidak tertulis terhadap orang lain

Yang kadang tidak disadari oleh siempunya,. dan itu sangat kuat

yang akan menghasilkan sikap sebagai feedbacknya”

tapi mèmang teu dileuleungit sok aya jelema

ku batur mah dihormat, dipikanyaah, diaku dulur, dipikabogoh jste

tapi sabalikna manèhanana gorèng ka batur..

teu kudu salempang kunu kitu mah,

da eukeurna kènèh..

jadi nu alus mah,

urang migawè hadè mah ulah ngadèngè kumaha ceuk batur

”mun batur gorèng ka urang, ulah dibales ku gorèng deui”

Apanan seuneu mah kudu pipareuman tèh ku cai,

Lain ku seuneu deui..

Panungtung...

Hayu babarengan memener diri urang sèwang-sèwangan

Silih du’akeun, silih benerkeun, simbeuh ku pèpèling.

Nya ieu ogè minangka pèpèling pangpangna jang diri kuring pribadi

Atuh susuganan katampi ku dulur kabèh

Kalayan ku hatè anu wening bersih

Mun aya basa anu kurang merenah, sumangga dilereskeun

 -o-

Pasèa

Saenyana mah asa éra ngadongéng téh..

Tapi keun wé deuh..

Da meureun kabéh gé pasti ngalaman..

Tong boro salaki jeung pamajikan..

Awéwé jeung lalaki nu keur mangsana bobogohan..

Papada sobat dalit..

Pasti kungsi ngalaman nu ngaran paséa mah

Boh leutik boh gedé

Anu penting mah kumaha sikep urang..

Mun keur kaalaman ku diri sorangan..

Pan ceuk nu pinter mah,,,

“Ambil sisi baik dari setiap kejadian yang kita alami”

Pon kitu deui paséa..

Da gening aya nu beunang di ala tina paséa téh,,..

Bari uulah ari ngahaja-haja mah kétang

Kahiji…

Sok rada remen da bibi atawa mamang kuring

Ngadongéngkeun kalakuan si abah (aki)

Mun keur dicarekan ku si ema (nini)…

Kieu cenah…

Si abah mah, lamun keur dicarékan ku ema téh da tara ieuh némbal

Estuning ngeluk tungkul

Sugan sok sakecaaap…. Da taara

Atuda kacipta, kumaha céréwédna si ema

pan kuring gé ngalaman atuh diasuh ku ema mah

wa’as bari rada miripis téa

sowanten treble satakerna, bass na ampir pareum

cempréng…. Heuheu…

hapunten ema da kitu téh panginten ema mah kanggé kasaéan urang sadaya.

Mun geus rada leler téh si ema cacarios…

Abah mah mung sakieu…

“Atos ma nyarios téh?... pami teu acan mangga lajengkeun”

Atuh teu wudu… capétang deui waé eté si ema

Kacipta… hanyakal kuring mah teu kungsi nyaksian

Kadua…

Nu kaalaman ku kuring sorangan ieu mah

Basa kuring paséa jeung sakadang jikan

Bari rada nyonto kana kalakuan si Abah téa kuring téh

jempé teu ngomong sakecap-kecap acan

estuning heueuh heueuh bueuk wéé

Murudul téh lain wadul

Murubut sagala disebut téh nyaan

Teu sirikna dibudalkeun kabéh éta eusining haté

Ditalar téh nyaan teu ngéjah-ngéjah acan jigana

Sagala codéka kuring, kakurangan kuring, katugenah manéhna

Kabéh ditataan taya nu kaliwat

oOo

kuring jadi inget kana hiji papatah heubeul

“Tanyakanlah apa kekuranganmu pada musuhmu”

Da enya atuh…

Pan saharitaeun mah meureun jikan kuring téh keur jadi musuh

jadi kuring nyaho naon waé kakurangan kuring ka jikan..

naon waé ka tugenah jikan…

jadi  kuring nyaho palebah mana nu kudu dibebener  téh

da lamun seug ngahaja-haja mah sina nyebutan hiji-hiji

pan can puguh kedal…

Cooba mun saruana…

Nu itu ngawakwak, nu ieu némbal..

Moal teu jadi padungdung atuh

Kadéngé ku barudak

Kadéngé ku tatanga

Piring wéh ting kalayang

Gelas pru pré moal hanteu

Pan jadi riweuh kadituna

Matak kudu aya nu ngéléhan salahsahiji

Da meureun nu ngaran ngaran ngéléhan téh apan teu kudu éléh nya…

Ah kétang… étamah pangalaman kuring wéé

Can puguh sarua jeung nu séjén

Da kuring gé jauh kénéh ti ngaran bener mah

-sakitu-