Panggih Jeung Sesemplèkan

Harita poè katilu di lembur..

teu kahaja harita kuring papanggih jeung si Neni,..

 nyaèta balad baheula keur leutik ngaji di masigit mang Tabi’in

heuheu.. asa kawènèhan, mang taun-taun teu panggih jeung jelema ieu.

Nèèèn …. Timana..?? ceuk kuring rada ngagorowok, da di sebrang jalan si Neni tèh.

Saha… ?? ceuk manèhna rada kerung bari napelkeun dampal leungeun kana halis (silo jigana)

Teu kungsi lila… ieeeuuung,.. nyanèh tatèèèh… ?!?

Bedul siah mang alam-alam teu papanggih jeung nyanèh

Kadieu atuuh, ceuk manèhna bari ngagupayan.

Kadituna mah tuluy wè ngagorolang babaca’an, sagala ditata’an, sagala ditanyakeun

(cicing dimana, bati sabaraha, gawè dimana / lah nu kararitu wè pokona mah)

Da gening si Neni mah ti baheula teu robah

Teu kaop ditakol… urang mah sakecap, manèhna mah geus sapuluh kecap

Teu sirikna batur mah ulang ngomong wèh.

Lumayan geus rada lila ngobrol tèh, pok tèh si Neni ngomong kieu..

“ieuh siah sesemplèkan nyanèh (enya si Neng Tini) ogè keur aya di lembur da.

Pan kuring tadi panggih jeung manèhna di acara pertemuan kulawarga (Banian)

Ari kitu,,.. ?? ceuk kuring api-api nanya, padahal hatè mah curinghak .atoh kacida

Enya bisi wèè nyaneh hayang panggih. Da jarang balik si èta mah pan. Meungpeung ker aya.

Ah èra... “ceuk kuring”

Pan ku kuring dianteur... ”ceuk Neni” ah siah sok api-api ... Neni rada mureleng

Nyaan... ??  hayu atuh.... ”ceuk kuring” bari metot Neni ka kidulkeun

Teu lila kebat kuring jeung Neni  ngajugjug Imah pa Ayub... enya kolot sesemplèkan tèa

Teu lila gè ges tepi da teu pati jauh. Keur mah ungal poe gè kaliwatan.

Ngan pèdah teu asup wungkul ka gangna...

Mun ngaliwat cukup ku ngalieuk, bari jeung rada nyeblak

Bareng jol, sup wèh Neni mah ka imahna... da keur mah dulurna si Neni mah

Ari kuring mah ngajanteng wè di harep... bari rada teu paruguh

Untung teu lila celengkeung ti imah nu sabeulah aya nu ngageroan kuring

iieeeuuung siaaah.... manèèèh keur naon didinyaaaa....

Hayooooo... mangihan popotongan nyaaaa... apal lah..”ceuk eta sora”

Euleeuuh... si nyai... nyi Neli èta tèh... kuring gè rada reuwas papangih jeung si èta

Nya si ieu pisan baheula comblang kuring jeung Nyi Tini tèh

Kahiji imahna deukeut, dulurna ongkoh, balad ngaji,... pokona mah pas wè...

Jeung saha..?? ceuk manèhna

Jeung Neni... itu tuluy si Neni mah ka jerokeun

Kadieu atuh ka jero heula...

Sup wè kuring tèh ka teun Ny Neli heula...

Bari da hatè mah geus diteun popotongan ogè

Kocap kacarita ... teu lila kuring teun si Nyi Neli

Ditèang ku Neni ... hayu atuh, kalahka di dieu gening, didagoan tuh

Hayu ... ceuk kuring bari cengkat. Tuluy ngalèngkah ka teun popotongan... da bener2 ngan salèngkah

Jarak antara imah Nyi Neli jeung popotongan tèh

Tapi naha harita suku kuring asa teu napak...

Ongkoh hayang giru tepi, tapi bari rerengkogan

Barang sup tèh ... gebeg.... seeeerrrrrr.... neeeddddd... seblaaakkk....

Duka kumaha tah harita beubeungetan kuring... duka pias, duka beureum

Nyampak tèh kumplit gening...manèhna, indungna, bapa’na, adina, lanceukna

Tuluy wè kuring uplek ngobrol... da puguh ti baheula gè geus loma  jeung kulawarga mitoha burung tèh

Bari rèt deui rèt deui ka popotongan...

Bari na jero hatè mah.. iraha ieu jelema nyaringkahna nya...

geus puguh kuring tèh hayang ngobrol dua’an

teu kungsi lila... gèrèwèk kadèngè ti dapur budakna nu leutik ceurik

lèos wè manèhna ka dapur... kuring mah tuluy kebat ngobrol jeung nu aya

bari mata mah rèt deui rèt deui ka dapur... pikiran kamana nya si Nyai tèh

teu karasa waktu nyèrèlèk ampur magrib.. geus lagu balik

si Nyai can kènèh katèmbong...

mmmh nyaan lapur... pangih pangih deui basa pamitan rèk balik..

nasiiib... nasiiib...