Tujuh Kaahèngan Dunya

Dina hiji poè Mama Karom mèrè tugas ka barudak

tugasna tèh, barudak di titah nulis tujuh kaahèngan dunya…

Kè dikumpulkeun  jam pelajaran terahir…

Nu geus ngumpulkeun meunang balik, nu acan kudu nganggeuskeun tepi ka rèngsèna

Walhasil nu can angeusmah moal waka bisa balik wèh.

Kocap kacarita jam pelajaran terahir…

Si Kabayan jeung sababaraha urang can baralik… pastina can arangeus  migawè tugas

Si Kabayan culang cileung..

Rèk niron sieun katohyan ku Mama, da titatadi hayoh waè ningalikeun

Rèk nanya ka si Asep,.. si Asep gè keur culang cileung bangun nu sarua bingungna

Rèk nanya ka si Sadiah, Komo… da Sadiah gè sarua beletna jeung manehan nana…

Teu kungsi lila….

Si Asep balik….

Si Sadiah deuih nuturkeun balik…

Tinggal manèhna sorangan, duaan jeung si Mama nu semu muncereng…

Puncereng si Mama tèa lain bantrak bantrakeun nu keur bingung..

Antukna …

Teu antaparah deui , gudrud gudrud wè si Kabayan nulis… duka nanahaon nu di tulisna mah

Kacaritakeun diteun Mama Karom…

Kira-kira  jam 8 peuting.. tas balik ti tajug, Mama mukaan tugas nu tadi

Pikiran Mama… ah da geus salsè ayeuna mah…

Ngaderes ngeus, sholat Isya puguh deui, beuteung wareg.

Kari ngadagoan sakadang tunduh.. bari mariksa tugas barudak

Nu pangheulana dibaca tèh tugas anu An-an Nurjannah.. minangka budak pangpinterna di kelas mah

eusina tèh kieu..

7  kaahèngan dunya:

1. Piramida
2. TajMahal
3. Tembok  Cina
4.  Menara Pisa
5. Borobudur
6. Menara Eiffel
7. Pulau Komodo

Tuluy ka nu Enis, Kokom, Irod, Dik-dik….

Ieusina sararua teu bèda jauh…

Da pan mèmang bener 7 kaahèngan dunya mah ngan èta-èta na

Ngan nu minangka barèda tèh dina runtuyan nana..

Aya nu Piramida heula..

Aya nu Tjamahal heula

Jstè…

Panungtung gep kana pagawèan meunang si Kabayan Mama tèh…

Taaah rada bèda ieu mah… teu wudu Mama gè rada kerung

Kieu eusina pagawèan si Kabayan mah..

7 Kaahèngan dunya:

1. Meunang niroooooon
2. Meunang sarè mun Mama keur nerangkeun
3. Meunang bobogohan jeung si Nyai (Iteung)
4. Meunang ngurek di balong  Bah Encèt
5. Meunang ngagojod sapoè jeput
6. Meunang darmaji teun bi Juhayah
7. Meunang morosotkeun sarung si Abah

Make ditungtungan kun nb sagala geura handapna tèh: “Tah kitu Mama kaahèngan dunya kangè abdi mah”

Nyel tèh èta  Mama… ambek nyedek tanaga midek tèa..

Rèk ambek.. ambek ka saha… da mangkeluk nu èk diambek na mah duka dimana boa.

Tungtungna mah duk sek wèh Mama. Can tunduh gè dipeureum-peureum

Da di inget-inget mah kalahka beuki keuheul…

Bari teu wudu rada kukulutus ogè ngakalakeun si Kabayan.

-sakitu-